ཅེག་སྤྱི་མཐུན་རྒྱལ་ཁབ་ཀྱི་ཕྱི་སྲིད་བློན་ཆེན་ Jan Lipavsky མཆོག་དང་བོད་མིའི་སྒྲིག་འཛུགས་ཀྱི་ཕྱི་དྲིལ་བཀའ་བློན་ནོར་འཛིན་སྒྲོལ་མ་མཆོག་རྣམ་གཉིས་རྒྱ་གར་རྒྱལ་ས་ལྡི་ལིར་མཇལ་ཕྲད་གནང་པ། རྒྱ་ནག་གི་ཕྱི་སྲིད་བློན་ཆེན་ Qin Gang རྒྱ་གར་དུ་འབྱོར་པར་བོད་མིའི་གཞུང་འབྲེལ་མིན་པའི་ཚོགས་པ་ཁག་གིས་ལྡི་ལིའི་རྒྱ་ནག་གཞུང་ཚབ་ཁང་གི་མདུན་རྔམ་སྟོན་ངོ་རྒོལ་བྱས་པ་དང་། ལས་འགུལ་བ་ ༡༥ འཛིན་བཟུང་བྱས་འདུག ཆོས་ལུགས་ཕན་ཚུན་དབར་གུས་བརྩི་དང་མཐུན་ལམ་དགོས་པ་དཔལ་ས་སྐྱ་ཁྲི་འཛིན་ ༤༣ པ་འཁོན་གདུང་ ཛྙ་ན་ བཛྲ་རིན་པོ་ཆེ་མཆོག་གིས་ལ་དྭགས་ས་གནས་སུ་ཞབས་སོར་འཁོད་པའི་སྐབས་མང་ཚོགས་ལ་ལམ་སྟོན་གནང་འདུག
