ལྕམ་མེ་ལེན་ཡ་མཆོག་གིས་ལྡི་ལིར་སེམས་ཀྱི་བདེ་སྐྱིད་དང་བཟང་སྤྱོད་འཛིན་གྲྭར་གཟིཊ་སྐོར།

2020-02-26
གློག་འཕྲིན།
མཆན།
Share
པར་བཀོད།
ལྕམ་མེ་ལེན་ཡ་མཆོག་གིས་ལྡི་ལིར་སེམས་ཀྱི་བདེ་སྐྱིད་དང་བཟང་སྤྱོད་འཛིན་གྲྭར་གཟིཊ་སྐོར་སྐབས། ༢༠༢༠།༢།༢༥
ལྕམ་མེ་ལེན་ཡ་མཆོག་གིས་ལྡི་ལིར་སེམས་ཀྱི་བདེ་སྐྱིད་དང་བཟང་སྤྱོད་འཛིན་གྲྭར་གཟིཊ་སྐོར་སྐབས། ༢༠༢༠།༢།༢༥
AP

ཨ་མི་རི་ཀའི་སྲིད་འཛིན་གྱི་ལྕམ་སྐུ་མེ་ལེན་ཡ་མཆོག་གིས་ལྡི་ལིར་སེམས་ཀྱི་བདེ་སྐྱིད་དང་བཟང་སྤྱོད་འཛིན་གྲྭར་གཟིཊ་སྐོར་གནང་འདུག
ཨ་མི་རི་ཀའི་སྲིད་འཛིན་(Donald Trump)་ གཏན་ཞལ་རྣམ་གཉིས་ཀྱིས་རྒྱ་གར་ནང་གཟིགས་སྐོར་གནང་མུས་དང་། འདི་ཚེས་༢༥་ཉིན་སྲིད་འཛིན་མཆོག་གིས་རྒྱ་གར་གྱི་སྲིད་བློན་མོ་དྷི་(Narendra Modi)་མཆོག་དང་མཇལ་འཕྲད་གནང་བའི་སྐབས། ཁོང་གི་སྐུ་ཟླ་ལྕམ་(Melania Trump)་མཆོག་གིས་རྒྱལ་ས་ལྡི་ལིའི་ནང་ཡོད་པའི་གཞུང་གི་སློབ་གྲྭ་ཞིག་ནང།   ནང་སེམས་ཀྱི་བདེ་སྐྱིད་དང་བཟང་སྤྱོད་ཀྱི་འཛིན་གྲྭར་གཟིགས་སྐོར་གནང་འདུག
རྒྱལ་ས་ལྡི་ལིའི་གཞུང་གི་སློབ་གྲྭ་ཁག་ཏུ། ཉིན་ལྟར་ཐོག་མར་སྐར་མ་ལྔའི་རིང་སྒོམ་རྒྱབ་པའི་རྗེས། དུས་ཡུན་སྐར་མ་༤༥་རིང་ནང་སེམས་ཀྱི་བདེ་སྐྱིད་དང་མི་བཟང་པོ་ཞིག་ཆགས་ཐབས་སུ་བཟང་སྤྱོད་དང་འབྲེལ་བའི་འཛིན་གྲྭ་ཚོགས་ཀྱི་ཡོད་པ་དང་། སློབ་གཞི་དེ་བཞིན་ཕྱི་ལོ་༢༠༡༨་ལོར་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་དབུ་འབྱེད་གནང་བ་ཞིག་ཡིན་འདུག
ལྕམ་(Melania Trump)་གིས་གཏམ་བཤད་མདོར་བསྡུས་ཤིག་གནང་བའི་ནང་། སེམས་ཀྱི་བདེ་སྐྱིད་འབྱུང་ཐབས་ཀྱི་སློབ་ཚན་ཐོག་ནས་ཁོང་ལ་སེམས་འགུལ་ཆེན་པོ་ཐེབས་སོང་ཞེས་གསུངས་འདུག དེ་བཞིན་ཁོང་གིས་ཨ་རིའི་སློབ་གྲྭ་ཁག་ནང་བཟི་སྨན་ངན་གོམས་དེ་བཞིན་ཧ་ཅང་ཉེན་ཁ་ཆེན་པོ་ཞིག་ཡིན་སྟབས་སྔོན་འགོག་བྱ་ཕྱོགས་སུ་ཐུགས་འཁུར་ཆེ་བཞེས་གནང་གི་ཡོད་པ་དང་། དྲ་རྒྱའི་ཉེན་སེལ་དང་། སྤྱི་ཡོངས་ཀྱི་ཕྲུ་གུའི་བདེ་དོན་གོང་འཕེལ་གཏོང་ཐབས་གནང་གི་ཡོད་ལུགས་གསུངས་འདུག
དེ་ནས་ལྕམ་(Melania Trump)་མཆོག་རྒྱལ་ས་ལྡི་ལིའི་ལྷོ་ཕྱོགས་སུ་ཡོད་པའི་བུ་མོའི་སློབ་གྲྭ་ཞིག་ནང་གཟིགས་སྐོར་ཕེབས་འདུག


མཆན། (0)
Share
དྲ་གནས་ཆ་ཚང༌།